Bu şablon müvafiq gündə altıyadək qısa xəbər-xülasənin avtomatik olaraq və növbəli şəkildə Şəki Ensiklopediyasının Ana səhifəsində yerləşdirilməsi üçündür;
Maarif xadimi, yazıçı, tərcüməçi, Azərbaycan parlamentinin (1918 – 1920) Nuxa şəhərindən seçilmiş deputatı Abdulla bəy Əfəndizadə (1873 – 1928) 3 mart 1873-cü il tarixdə Nuxada anadan olub. O, Rәşid bәy Əfәndiyevin qardaşı, Hikmət Ziyanın isə babasıdır.
Ədəbiyyatşünas alim, filologiya elmləri doktoru, professor, Azərbaycan SSR Dövlət mükafatı laureatı, Azərbaycan SSR əməkdar elm xadimi, Azərbaycan Milli Elmlər Akademiyasının müxbir üzvü, Azərbaycan Milli Elmlər Akademiyası Nizami adına Ədəbiyyat Dil İnstitutunun direktoru Yaşar Qarayev (1936 – 2002) 5 mart 1936-cı il tarixdə Nuxada anadan olub.
Tanınmış aktyor, rejissor, ssenari müəllifi Fərman Abdullayev (1954 – 2013) 5 mart 2013-cü il tarixdə – uzun sürən ağır xəstəlikdən sonra 58 yaşında vəfat edib. O, 1975-ci ildən Sabit Rəhman adına Şəki Dövlət Dram Teatrında çalışmış, həmçinin bir sıra Azərbaycan filmlərində baş rollarda oynamışdır.
Şəkil: Fərman Abdullayev.
Nəzir Əhmədov
4 – 5 mart
Dövlət xadimi, iqtisadçı alim, yazıçı, 1992-ci ildə Heydər Əliyevə müraciət edərək onu Azərbaycanda hakimiyyətə çağıran “91-lər”dən biri Nəzir Əhmədov (1925 – 2005) 5 mart 2005-ci il tarixdə – 79 yaşında, Bakıda vəfat edib. O, Heydər Əliyevin 1993-cü ildə hakimiyyətə qayıdışından az sonra, əvvəl Şəki şəhər İcra hakimiyyətinin başçısı vəzifəsinə təyin olunmuş (1993 – 1998), daha sonra isə Azərbaycan Respublikası iqtisadiyyat nazirinin müavini vəzifəsinə keçirilmişdir (1998 – 2001).
