Nəsib Əbdürrəhmanov

Nəsib Abdurəhmanov
Abdurəhmanov Nəsib Yusif oğlu
Nəsib Abdurəhmanov
Nəsib Abdurəhmanov
Digər adı	Nəsib doktor
Anadan olub	24 oktyabr 1913(1913-10-24)
Anadan olduğu yer	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat edib	23 sentyabr 1976 (62 yaşında)
Vəfat etdiyi yer	Şəki, Azərbaycan SSR, SSRİ
Vəfat səbəbi	ürək xəstəliyi
Təhsili	Azərbaycan Tibb İnstitutu (1934–1939)
Mükafatları

Nəsib Abdurəhmanov (1913–1976) — sovet dövründə Şəkidə tanınmış həkim, Azərbaycan SSR əməkdar həkimi, Şəki Mərkəzi Xəstəxanasının baş həkiminin müavini.

Haqqında məlumatlar

24 oktyabr 1913-cü il tarixdə Nuxada (indiki Şəki) anadan olub.

1916-cı ildə atası,

1917-ci ildə anası vəfat edib. Bundan sonra əmisi oğlunun himayəsində himayəsində böyüyüb.

Təhsili

1934 – 1939-cu illərdə Azərbaycan Dövlət Tibb İnstitutunda təhsil alıb.

Hərbi xidmətdə

1939-cu ildə hərbi xidmətə başlayıb. Böyük Vətən müharibəsində iştirak edib. 1943-cü ildə 3-cü dərəcəli hərbi həkim, 1944-cü ildən isə tibb xidməti kapitanı rütbəsinə malik idi. Orden və medallarla təltif olunub.

28 dekabr 1945-ci il tarixdə ordudan tərxis edilib.

Əmək fəaliyyəti

On yaşında ayaqqabı tikən usta yanında şagird durub,

1926 – 1928-ci illərdə ipək fabrikində fəhlə işləyib. Sonra Şəkidə bənnalıq kursunu bitirib və bənnalıq edib.

1946-cı ildən Nuxa rayonunda əvvəl kənd həkimi, sonra Nuxa Səhiyyə Şöbəsinin rəisi, daha sonra Nuxa Mərkəzi xəstəxanasında baş həkim, baş həkim müavini vəzifərində çalışıb.

İctimai-siyasi fəaliyyəti

IV-V çağırış yerli sovetlərin deputatı olub.

Təltif və mükafatları

Səhiyyə Nazirliyinin, Ali Sovetin fəxri fərmanları ilə təltif olunub. Səhiyyə Əlaçısı döş nişanı ilə təltif olunub. adına layıq görülüb.

Vəfatı

23 sentyabr 1976-cı il tarixdə – 62 yaşında, ürək xəstəliyindən qəflətən Şəkidə vəfat edib.

Ədəbiyyat

1. Абдурахманов Насиб Юсупович : [arx. 28.01.2023] : [rus.] // Память Народа. — Müraciət tarixi: 28.01.2023.
2. Абдурахманов Насиб Юсубович : [arx. 28.01.2023] : [rus.] // Память Народа. — Müraciət tarixi: 28.01.2023.
3. Məmmədov Ə., Xalıqov F. Əbdürrəhmanov Nəsib // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 33-34. — 600 nüsx. — ISBN 5-8066-1708-4.
4. Mete Ə. Karvan yol gedir // O torpağın övladları. — Bakı: Nurlan, 2006. — Səhifələrin sayı:  608. — Səh.: 344-345. — 500 nüsx.

.

Nəsib 934-cü ildə Azərbaycan Döv- lət Tibb İnstitutuna daxil olur, 1939-cu ildə həkim diplomu ilə yenidən Şəkiyə qayıdır. Şəki poliklinikasında, Baş Göynük sa- hə xəstəxanasında həkim işləmiş, 1939-cu ildə Ordu sıralarına çağırılmışdır. 1941-1945-ci il müharibəsində iştirak etmiş, müx- təlif vəzifələrdə çalışmış, bir neçə dəfə yaralanıb hərbi qospital- larda müalicə almışdır. 1946-cı ildə ordudan tərxis olunub doğ- ma Vətəni Şəkiyə qayıtmışdır. Əvvəlcə Şəki Mərkəzi xəstəxa- nasında yoluxucu xəstəliklər, sonra daxili xəstəliklər şöbəsində həkim işləmişdir. 1953-1957-ci illərdə daxili xəstəliklər şöbəsi- nin və Şəki şəhər səhiyyə şöbəsinin müdiri, 1957-ci ildən öm- rünün sonuna qədər Şəki şəhər mərkəzi xəstəxanası baş həki- minin müavini olmuşdur. N.Y.Əbdürrəhmanov bir çox orden, medal və fəxri fərmanlarla təltif edilmişdir. “Səhiyyə əlaçısı”, “Azərbaycanın əməkdar həkimi” fəxri adlarına layiq görülmüş, yüksək dərəcəli terapevt, Şəkinin fəxri vətəndaşı olmuşdur. Tibbin elə bir sahəsi yox idi ki, onunla maraqlanmasın, öz qiy- mətli məsləhətlərini verməsin. Cərrahiyyə şöbəsində mübahi- səli bir məsələ olanda, diaqnoz qaranlıq qalanda həmişə onu kö- məyə çağırırdılar. N.Y.Əbdürrəhmanovun ailə üzvləri də elə bil ki, həkimlik üçün doğulublar. Həyat yoldaşı Səadət xanım uzun illər Şəki Mərkəzi xəstəxanası laboratoriyasının müdiri işləyib. Oğlu Yu- sif həmin xəstəxanada cərrah, qızı İradə ginekoloq, qızı Səda- qət Bakıda terapevt işlərir. Onlar atalarının doğma peşə yolunu sədaqətlə davam etdirirlər.