İbrahim Tağıyev

İbrahim Tağıyev
	Tağıyev İbrahim Tağı oğlu
	İbrahim Tağıyev
	SSRİ Ali Məhkəməsinin Hərbi Kollegiya Məhkəməsində olan şəxslərin siyahısında İbrahim Tağıyevin adı olan hissə, 3 oktyabr 1937-ci il.
Anadan olub	1894
Anadan olduğu yer	Öysüzlü kəndi, Qazax qəzası, Yelizavetpol quberniyası, Rusiya İmperiyası
Vəfat edib	13 oktyabr 1937 (43 yaşında)
Vəfat səbəbi	güllələnmə
Mükafatları

İbrahim Tağıyev (1894–1937) — Azərbaycan sovet partiya və dövlət xadimi. Müxtəlif vəzifələrdə çalışmışdır. 1937-ci ildə Stalin repressiyasına məruz qalmış və güllələnmişdir. 1956-ci ildə SSRİ Ali Məhkəməsi Hərbi Kollegiyasında onun barəsində 1937-ci ildə verilmiş hökm ləğv edilib və cinayət tərkibi olmadığı üçün həmin iş xətm olunub.

Haqqında məlumatlar

1894-cü ildə Qazax qəzasının Öysüzlü kəndində anadan olub.

Təhsili

Heç bir təhsil almayıb, özüöyrənəndir.

Əmək fəaliyyəti

1920 – 1929-ci illərdə əvvəl Tovuz qəza soveti icraiyyə komitəsinin sədri, sonra Azərbaycan K(b)P Nuxa qəza komitəsinin məsul katibi, daha sonra ÜK(b)P Zaqafqaziya vilayət komitəsində kənd təsərrüfatı şöbəsinin rəhbəri,

1929-cu ildən Azərbaycan K(b)P Naxçıvan vilayət komitəsinin məsul katibi olub.

26 yanvar 1930-cu il tarixdə ZSFSR Mərkəzi İcraiyyə Komitəsinin katibi seçilib. Həmçinin,

1930-cu ildə Azərbaycan K(b)P Gəncə dairə komitəsinin məsul katibi olub.

1931-ci ildən SSRİ Xalq Rabitə Komissarlığının ZSFSR üzrə nümayəndəsi,

1934-cü ildən Azərbaycan K(b)P Gəncə rayon komitəsinin 1-ci katibi,

1937-ci ildə bir müddət Bakı şəhər soveti sədrinin müavini vəzifəsində çalışıb.

Təltif və mükafatları

“Qırmızı Əmək Bayrağı” ordeni (1936).

Həbsi və güllələnməsi

12 oktyabr 1937-ci il tarixdə SSRİ Ali Məhkəməsi Hərbi Kollegiyasının səyyar sessiyası bağlı məhkəmə iclası keçirərək İbrahim Tağıyev ən ağır cəzaya – güllələnmə cəzasına məhkum edib. 13 oktyabr 1937-ci il tarixdə ölüm hökmü yerinə yetirilib.

Bəraət alması

3 aprel 1956-cı il tarixdə SSRİ Ali Məhkəməsinin Hərbi Kollegiyası tərəfindən bəraət alıb.

Ədəbiyyat

Тагиев Ибрагим Таги огли : [arx. 13.10.2021] : [rus.] // Сталинские расстрельные списки. — Müraciət tarixi: 13.10.2021.
Тагиев Ибрагим Таги оглы : [arx. 24 Nov 2015 - 31 Aug 2021] : [rus.] // Справочник по истории Коммунистической партии и Советского Союза 1898 - 1991. — Müraciət tarixi: 13.10.2021.

Bildiriş