Nüşabə Ələsgərli

Nüşabə Hümmətova
Hümmətova Nüşabə Ələsgər qızı
Nüşabə Ələsgərli.
Şəxsi məlumatlar
Doğum tarixi	21 dekabr 1967 (1967-12-21)
Doğum yeri	Nuxa (indiki Şəki), Azərbaycan SSR, SSRİ
Vətəndaşlığı	SSRİ→ Azərbaycan
Peşələri	müğənni, aktrisa
Təhsili	• Sumqayıt Musiqi Texnikumu (1982–1986)  • Üzeyir Hacıbəyov adına Azərbaycan Dövlət Konservatoriyası (1986–)
Elmi dərəcəsi	sənətşünaslıq üzrə fəlsəfə doktoru
Mükafatları
Commonsda da Nüşabə Hümmətova ilə əlaqəli mediafayllar var

Nüşabə Ələsgərli — tanınmış müğənni və aktrisa, musiqişünas və pedaqoq, sənətşünaslıq üzrə fəlsəfə doktoru, Azərbaycan Respublikasının əməkdar artisti, Azərbaycan Dövlət Mədəniyyət və İncəsənət Universitetində baş müəllimi.

Haqqında məlumatlar

21 dekabr 1967-ci il tarixdə Nuxada (indiki Şəki) anadan olub. Ailəsi Nuxa (indiki Şəki) rayonunun Baş Göynük kəndindən idi. 1976-cı ildə isə Şəkidən Sumqayıta köçüblər.

Təhsili

1974 – 1976-cı illərdə Şəki şəhər orta məktəbində,

1976 – 1982-cü illərdə Sumqayıt şəhər 26 №-li orta məktəbində oxuyub.

1971 – 1982-ci illərdə Sumqayıt şəhər 3 №-li musiqi məktəbinin fortepiano sinfində,

1982 – 1986-cı illərdə Sumqayıt Musiqi Texnikumunda təhsil alıb.

1991-ci ildə Üzeyir Hacıbəyov adına Azərbaycan Dövlət Konservatoriyasının xor dirijorluğu fakültəsini bitirib.

Əmək və yaradıcılıq fəaliyyəti

1990 – 1995-ci illərdə Azərbaycan Dövlət Mahnı və Rəqs Ansamblının xor kollektivində işləyib. Ansamblında işləyərkən, eyni zamanda solo ifaçılıq karyerasına başlayıb. İlk dəfə 1994-cü ildə AzTv-nin Gənclik redaksiyasının çəkdiyi “Yeni il” gecəsində Cahangir Cahangirovun “Ay qız” mahnısı ilə solo olaraq efirə çıxmışdır.

1998-ci ildən Azərbaycan Teleradio şirkətində solist olaraq işləməyə başlayıb. Televiziyada çalışdığı dövrdə bir çox verilişlərdə, bayram proqramlarında, tamaşalarda çıxış edib.

2011-ci ildən Azərbaycan Dövlət Mədəniyyət və İncəsənət Universitetində pedaqoq kimi fəaliyyət göstərir.

Hal-hazırda (2020) Azərbaycan Dövlət Mədəniyyət və İncəsənət Universitetində baş müəllim vəzifəsində çalışır.

Elmi fəaliyyəti

2018-ci ildə “Şəfiqə Axundova yaradıcılığının üslub xüsusiyyətləri” adlı dissertasiyasını müdafiə etmiş və sənətşünaslıq üzrə fəlsəfə doktoru elmi dərəcəsi almışdır.

Təltif və mükafatları

• “Azərbaycan Respublikasının əməkdar artisti” fəxri adı (2013).

Ailəsi

1995-ci ildə ailə qurub. İki övladı var.

Filmoqrafiya

• “Qayınana” əməliyyatı (film, 1999).
• Yanmış körpülər (film, 2007).
• Yol yoldaşları (film, 2003).
• Adam ol! 2 (film, 2006) (tammetrajlı bədii film, rol: Nüşabə).

Ədəbiyyat

1. Teymurqızı T. (16/04/20). "Vətən mənim içimdədir". https://azadaz.com/ (azərb.). Azadaz.com. 26 Dec 2020 tarixində arxivləşdirilib.