Şəki Ensiklopediyası:Xəbərlər arxivi/2021: Redaktələr arasındakı fərq
Redaktənin izahı yoxdur |
Redaktənin izahı yoxdur |
||
| Sətir 5: | Sətir 5: | ||
<center>'''2021-ci il (2)'''</center> | <center>'''2021-ci il (2)'''</center> | ||
<div style="background-color: ; border: 1px dashed #9da19a; padding: 5px; {{border-radius|16px 8px 16px 8px}}"> | <div style="background-color: ; border: 1px dashed #9da19a; padding: 5px; {{border-radius|16px 8px 16px 8px}}"> | ||
[[Şəkil:Səbinə | [[Şəkil:Səbinə Hacıyeva.jpg|right|60px|link=Səbinə Hacıyeva]] | ||
*'''17 dekabr''' 2021-ci il tarixdə memarlıq üzrə elmlər doktoru, Azərbaycan Memarlıq və İnşaat Universitetinin professoru və memarlıq konstruksiyaları və abidələrin bərpası kafedrasının müdiri '''[[Səbinə Hacıyeva|Səbinə Hacıyevaya]]''' [[Azərbaycan Respublikasının əməkdar memarı|“Azərbaycan Respublikasının əməkdar memarı” fəxri adı]] verilib.</div> | *'''17 dekabr''' 2021-ci il tarixdə memarlıq üzrə elmlər doktoru, Azərbaycan Memarlıq və İnşaat Universitetinin professoru və memarlıq konstruksiyaları və abidələrin bərpası kafedrasının müdiri '''[[Səbinə Hacıyeva|Səbinə Hacıyevaya]]''' [[Azərbaycan Respublikasının əməkdar memarı|“Azərbaycan Respublikasının əməkdar memarı” fəxri adı]] verilib.</div> | ||
{{-}}<div style="background-color: ; border: 1px dashed #9da19a; padding: 5px; {{border-radius|16px 8px 16px 8px}}"> | {{-}}<div style="background-color: ; border: 1px dashed #9da19a; padding: 5px; {{border-radius|16px 8px 16px 8px}}"> | ||
Səhifəsinin 11:34, 17 noyabr 2024 tarixinə olan son versiyası
- 17 dekabr 2021-ci il tarixdə memarlıq üzrə elmlər doktoru, Azərbaycan Memarlıq və İnşaat Universitetinin professoru və memarlıq konstruksiyaları və abidələrin bərpası kafedrasının müdiri Səbinə Hacıyevaya “Azərbaycan Respublikasının əməkdar memarı” fəxri adı verilib.
- 30 noyabr 2021-ci il tarixdə Qaraheybət Aviasiya Poliqonu üzərində həyata keçirilən helikopterlə təlim uçuşları zamanı baş vermiş qəzada həlak olmuş 14 hərbçidən biri — Elçin Nəbiyev, əslən Şəki rayonunun Baş Göynük kəndindən, digəri — Ceyhun Əhmədxanov isə əslən Şəki rayonunun Qumux kəndindəndir. O cümlədən, bu qəzada yaralanmış 2 hərbçidən biri — Ramin Ədilov, əslən Şəki rayonunun Baş Göynük kəndindəndir.
- 20 noyabr Tanınmış musiqiçi pedaqoq və muğam ifaçısı Rasif Abdullayev Şəkidə Salman Mümtaz küçəsini piyada keçərkən qarşıdan gələn avtomobilin vurması nəticəsində 72 yaşında həlak olub.
- 7 noyabr 2021-ci il tarixdə sənaye və mülki tikinti sahəsi üzrə tanınmış mühəndis və rəhbər kadr Nurəddin Həbibullahzadə 88 yaşında Şəkidə vəfat edib.
- 1 noyabr 2021-ci il tarixdə tanınmış pedaqoq, Şəki Dövlət Regional Kollecinin direktor müavini Teymurçin Məmmədov 68 yaşında Şəkidə vəfat edib.
- 29 oktyabr 2021-ci il tarixdə tanınmış pedaqoq, kimya müəllimi, Şəki şəhər qarışıq tipli internat məktəbinin və Rəşid bəy Əfəndiyev adına Şəki şəhər 10 saylı tam orta məktəbinin sabiq direktoru Niyazi Əsgərov 75 yaşında Şəkidə vəfat edib.
- 16 oktyabr 2021-ci il tarixdə tanınmış heykəltəraş və ilk azərbaycanlı medalyer Aslan Rüstəmova “Azərbaycan Respublikasının əməkdar rəssamı” fəxri adı verilib.
- 17 sentyabr 2021-ci il tarixdə musiqişünas alim, sənətşünaslıq doktoru, Ü.Hacıbəyli adına Bakı Musiqi Akademiyasının musiqi nəzəriyyəsi kafedrasının professoru, Azərbaycan Respublikasının əməkdar incəsənət xadimi İmruz Əfəndiyeva 3-cü dərəcəli “Əmək” ordeni ilə təltif olunub.
- 6 sentyabr 2021-ci il tarixdə Azərbaycan Respublikası Prezident Administrasiyası humanitar siyasət məsələləri şöbəsinin müdiri Fərəh Əliyeva 60 yaşının tamam olması münasibəti ilə “Şöhrət” ordeni ilə təltif olunub.
- 1 sentyabr 2021-ci il tarixdən Aytən Rüstəmova Avropa Yenidənqurma və İnkişaf Bankının Qırğızıstan, Tacikistan və Türkmənistan üzrə regional direktoru vəzifəsinin icrasına başlayıb.
- 29 avqust 2021-ci il tarixdə Şuşada Azərbaycan Respublikasının prezidenti İlham Əliyev tərəfindən açılışı olmuş Üzeyir Hacıbəylinin heykəli ata-oğul – Aslan Rüstəmov və Mahmud Rüstəmov tərəfindən hazırlanmışdır.
- 6 avqust 2021-ci il tarixdə Azərbaycan Respublikasının əməkdar müəllimi, filologiya elmləri doktoru, Bakı Dövlət Universitetinin şərqşünaslıq fakültəsinin İran filologiyası kafedrasının professoru Təhminə Rüstəmova 94 yaşında, Bakıda vəfat edib.
- 3 iyul 2021-ci il tarixdə – günortadan sonra, 1759–1780-cı illərdə Şəki xanı olmuş Məhəmmədhüseyn xanın (?–1780) qəbri (Şəki Xan məscidinin içində, 1-ci mehrabın qarşısında, 1-2 metr qərb tərəfdə idi) açılmış, sümükləri və yaralandığı güllə aşkar edilmişdir.
- 19 – 26 iyun 2021-ci il tarixində Latviyada keçirilən Avropa Fizika Olimpiadasında (EuPhO 2021) Bakı Dövlət Universiteti nəzdində fəaliyyət göstərən “Gənc istedadlar” liseyinin 10-cu sinif şagirdi Rəfsan Həbibullayev həvəsləndirici mükafata layiq görülüb.
- 4 iyun 2021-ci il tarixdə kumite üzrə 2-ci dan qara kəmər sahibi, Dünya kubokunun və Dünya çempionatının bürünc, Avropa çempionatının isə qızıl mükafatçısı Pərviz Abdulkərimov (1985–2021) uzun sürən xəstəlikdən sonra – 35 yaşında, Bakıda vəfat edib.
- 15 may 2021-ci il tarixdə riyaziyyat üzrə elmlər doktoru, “Xəzər” Universitetinin professoru İlham Əliyev 70 yaşında Bakıda vəfat edib.
- 10 aprel 2021-ci il tarixdə coğrafiya elmləri namizədi, AMEA Akademik Həsən Əliyev adına Coğrafiya İnstitutunun aparıcı elmi işçisi və Bakı Dövlət Universitetinin fiziki-coğrafiya kafedrasının müəllimi Qalib Rüstəmov 68 yaşında Bakıda vəfat edib.
- 20 mart 2021-ci il tarixdə tanınmış şairə, Azərbaycan Yazıçılar Birliyinin üzvü, Azərbaycan Gözdən Əlillər Cəmiyyətinin Şəki Regional Şöbəsinin sədri və şöbənin Tədris İstehsalat Mərkəzinin direktoru İradə Quliyeva (İradə Gülfir) 62 yaşında, Bakıda vəfat edib. 21 mart tarixdə Şəki şəhərindəki Narlı qəbiristanlığında, oğlunun məzarı yanında dəfn edilib.
- 18 mart 2021-ci il tarixdə Azərbaycan Respublikasının Prezidenti İlham Əliyev, Emin Məmmədovun “Azərxalça” Açıq Səhmdar Cəmiyyətinin İdarə Heyətinin sədri təyin edilməsi haqqında sərəncam imzalayıb.
- 8 mart 2021-ci il tarixdə Azərbaycan Dövlət İqtisad Universitetinin fəxri professoru, Azərbaycan Respublikasının əməkdar müəllimi Əhməd-Cabir Əhmədov 79 yaşında, Bakıda vəfat edib.
- 20 fevral 2021-ci il tarixdə Azərbaycan Respublikasının əməkdar rəssamı Qüdrət Məmmədov vəfat edib. O, uzun müddət Sabit Rəhman adına Şəki Dövlət Dram Teatrının baş rəssamı vəzifəsində çalışmışdır.
- 14 fevral 2021-ci il tarixdə Fərid Əlibalayev 10 cildlik Azərbaycan Sovet Ensiklopediyasının bütün səhifələrini Naqi Məhəmmədzadə ilə birlikdə Elmi Spektr açıq elmi platformasının Habitat Tərcümə Layihəsi çərçivəsində dijitallaşdırılaraq internetə tam yerləşdirdiklərini bəyan edib.
- 4 fevral 2021-ci il tarixdə Azərbaycan sovet partiya xadimi, filologiya elmləri namizədi, müxtəlif illərdə Azərbaycan KP Abşeron rayon, Şəki şəhər və Ağdam rayonun partiya komitələrinin birinci katibi olmuş Sadıq Murtuzayev 93 yaşında vəfat edib.
- 3 fevral 2020-ci il tarixdə Azərbaycan Respublikasının Prezidenti İlham Əliyev, Rəhman Hümmətovu Azərbaycan Respublikasının nəqliyyat, rabitə və yüksək texnologiyalar nazirinin müavini vəzifəsinə təyin edib.
- 26 yanvar 2021-ci il tarixdə Azərbaycan Respublikasının Prezidenti İlham Əliyev, Albert Mustafayevi Azərbaycan Respublikası Prezidentinin fəxri diplomu ilə təltif edilməsi haqqında sərəncam imzalayıb.
- 12 yanvar 2021-ci il tarixdə kimya elmləri doktoru, professor, Şəkinin ensiklopedik şəxslərini əhatə edən bioqrafik məlumatlar toplusunun – “Şəki: Alim və ziyalılar” kitabının həmmüəllifi Ələfsər Məmmədov 69 yaşında Bakıda vəfat edib.