Fuad Axundov

Fuad Axundov
Axundov Fuad Namiq oğlu rus.: Ахундов Фуад Намикович
Fuad Axundov.
Anadan olub	12 may 1966 (1966-05-12)
Anadan olduğu yer	Bakı, Azərbaycan SSR, SSRİ
Atası	Sadıq
Anası	Maya
Vətəndaşlıq	SSRİ→ Azərbaycan→ Rusiya
Təhsili	M.Əzizbəyov adına Azərbaycan Neft-Kimya İnstitutu, mühəndis-ekonomist ixtisası

Fuad Axundov — beynəlxalq səviyyədə tanınmış iş adamı, Rusiyanın Türkiyədə inşa etdiyi “Akkuyu” Atom Elektrik Stansiyasının baş direktoru, Azərbaycan Beynəlxalq Bankının İdarə Heyətinin ilk və sabiq sədri.

Haqqında məlumatlar

12 may 1966-cı il tarixdə Bakıda anadan olub.

Təhsili

M.Əzizbəyov adına Azərbaycan Neft-Kimya İnstitutunu mühəndis-ekonomist ixtisası üzrə bitirib. Texas Universitetində MBA (ing. Master of Business Administration) kursu keçib. Həmçinin, Yaponiya Beynəlxalq Maliyyə Mərkəzinin və Beynəlxalq Valyuta Fondu nəzdində Birləşmiş Vyana İnstitutunun diplomlarını alıb.

Əmək fəaliyyəti

Əmək fəaliyyətinə SSRİ Müdafiə Nazirliyinin Xüsusi Tikinti Baş İdarəsi sistemində texnik işləməklə başlayıb, sonra orada Normativ-Tədqiqat Stansiyasının rəisi vəzifəsinədək yüksəlib.

1991-ci ildən Azərbaycan Respublikası Dövlət İqtisadiyyat və Planlaşdırma Komitəsində və Azərbaycan Respublikasının Prezident aparatında müxtəlif vəzifələrdə çalışıb.

1993-cü ildən Azərbaycan Milli Bankının İdarə Heyəti sədrinin müavini,

1995 – 2001-ci illərdə Azərbaycan Beynəlxalq Bankının İdarə Heyətinin sədri olub.

2001-ci ildən əmək fəaliyyətini Rusiya Federasiyasında davam etdirib; o cümlədən,

2001 – 2003-ci illərdə “NİKoyl” (rus.: НИКойл) İnvestisiya Bank Qrupunun icraçı direktoru, birinci vitse-prezidenti,

2003 – 2006-cl illərdə “Bank Uralsib” (rus.: Банк Уралсиб) ASC-nin prezidenti,

2006-cı ildən özünün yaratdığı “Birləşmiş Kapital” (rus.: Объединенный Капитал) İnvestisiya Qrupunun rəhbəri və London “Silkroutefinancial” Fondunun Müşahidə Şurasının üzvü,

2012-ci ildən “Uralsib Esset Menecment” (rus.: Уралсиб Эссет Менеджмент) İdarəetmə Şirkəti direktorlar şurasının sədri və “ZNAK” (rus.: ЗНАК) ASC-nin baş direktoru vəzifəsində çalışıb.

1 aprel 2014-cü il tarixdən Rusiyanın Türkiyədə inşa etdiyi “Akkuyu” Atom Elektrik Stansiyasının baş direktorudur.

Ailəsi

Atası Namiq Axundov vaxtilə M.Əzizbəyov adına Azərbaycan Neft-Kimya İnstitutunda dosenti olub. Onun atası Sadıq Axundov lənkəranlı idi və sovet dövründə Bakıda həkim işləmişdi. Anası Xanım Axundova isə şəkili idi və sovet dövründə Bakının Oktyabr (indiki Yasamal) rayonunda xalq məhkəməsinin sədri olmuşdu.

Fuad Axundovun bacısı Nigar Axundova Azərbaycan Tibb Universitetinin ginekologiya kafedrasında çalışır və tanınmış ginekoloqdur.

Ədəbiyyat

1. Ахундов Фуад Намикович : [arx. 3 Aug 2014 - 5 Feb 2023] : [rus.] // Научно-деловой портал «Атомная энергия 2.0». — Müraciət tarixi: 13.12.2023.