Tamilla Mahmudova

Tamilla Mahmudova
Mahmudova Tamilla Zahid qızı rus.: Махмудова Тамилла Захид гызы
Tamilla Mahmudova.
Şəxsi məlumatlar
Doğum tarixi	21 aprel 1931(1931-04-21)
Doğum yeri	Bakı, Azərbaycan SSR, ZSFSR, SSRİ
Vəfat tarixi	12 sentyabr 2014 (83 yaşında)
Vəfat yeri	Moskva, Rusiya
Vətəndaşlığı	SSRİ→ Rusiya
Uşaqları	Mikayıl və Cənnət
Musiqi aləti	pianino
Təhsili	• Moskva Dövlət Konservatoriyası (–1954)  • Y.Zakın sinfində aspirantura (–1957)
Mükafatları

Tamilla Mahmudova (1931–2014) — beynəlxalq səviyyədə tanınmış pianoçu, Azərbaycan SSR xalq artisti, Rusiya Federasiyasının əməkdar artisti, Moskva Dövlət Pedaqoji Universitetinin musiqi fakültəsinin professoru.

Haqqında məlumatlar

21 aprel 1931-ci il tarixdə Bakıda anada olub.

Təhsili

İlk musiqi təhsilini Azərbaycan Dövlət Konservatoriyası nəzdində xüsusi məktəbdə, məşhur pedaqoq, professor Kövkəb Səfərəliyevanın sinfində alıb.

1953-cü ildə Moskva Dövlət Konservatoriyasını,

1957-ci ildə isə Y.Zakın sinfində aspiranturanı bitirib.

Pianoçu fəaliyyəti

Repertuarına Qərbi Avropa və rus klassik bəstəkarlarının ən mürəkkəb, virtuoz əsərləri daxil idi. Azərbaycan bəstəkarları Ü.Hacıbəyli, Q.Qarayev, F.Əmirov, A.Məlikov və A.Sultanovanın musiqisi də onun konsert proqramlarında həmişə xüsusi yer tutub.

Təltif və mükafatları

• “Azərbaycan SSR xalq artisti” fəxri adı (1974);
• “Rusiya Federasiyasının əməkdar artisti” fəxri adı (1994);
• “Şöhrət” ordeni (2002);
• Azərbaycan Respublikası Prezidentinin fərdi təqaüdü (2004).

Digər

Musiqi haqqında çoxsaylı məqalələr, xatirələr kitabı yazıb.

İlk dəfə iki yaşı olanda Nuxada (indiki Şəki) – babasının evində “Offengerr” şirkətinin (Almaniya) istehsalı olan röyalı görüb və bu onun çox xoşuna gəlib. 73 yaşı olanda yenidən babasının evinə – indiki Sabit Rəhmanın ev muzeyinə gedib və həmin röyalı öz yerində görəndə xeyli kövrəlib, başlayıb ağlamağa.

Vəfatı

12 sentyabr 2014-cü il tarixdə – 83 yaşında, Moskvada vəfat edib.

Ailəsi

Tamilla Mahmudovanın atası

Mahmudov Zahid Kərim oğlu 17 fevral 1903-cü il tarixdə Nuxada anadan olub. Tanınmış həkim, 3-cü dərəcəli hərbçi-cərrah idi. 1928-ci ilin noyabr ayından orduda xidmət edirdi. Böyük Vətən müharibəsində – 1942-ci ildə həlak olub. Azərbaycan sovet yazıçısı, dramaturq və ssenaristi, Azərbaycan SSR əməkdar incəsənət xadimi, Azərbaycan sovet komediyasının banilərindən biri Sabit Rəhmanın (1910–1970) böyük qardaşıdır.

Tamilla Mahmudovanın uşaqları

• oğlu: Mikayıl, jurnalist;
• qızı: Cənnət, musiqiçi-konsertmeyster.

Ədəbiyyat

1. Махмудов Заид Корим-оглы : [arx. 03.09.2022] : [rus.] // Память народа. — Müraciət tarixi: 03.09.2022.
2. T.Z.Mahmudovanın "Şöhrət" ordeni ilə təltif edilməsi haqqında // E-qanun.az. — 2002. — 2 aprel. — Müraciət tarixi: 03.09.2022.
3. Azərbaycan Respublikası Prezidentinin fərdi təqaüdlərinin verilməsi haqqında : [arx. 15 Apr 2021 - 16 Apr 2021] // E-qanun.az. — 2004. — 23 dekabr. — Müraciət tarixi: 03.09.2022.
4. Иманов В. Горячая азербайджанка, или Путь от рояля в горах Шеки к мировой славе…Тамилла Махмудова : [arx. 11.05.2021] : [rus.] // Trend. — 2021. — 21 апреля. — Müraciət tarixi: 03.09.2022.
5. Azərbaycanın Xalq artisti Tamilla Mahmudovanın 90 yaşı tamam olur : [arx. 03.09.2022] // Bakı Şəhər Mədəniyyət Baş İdarəsinin rəsmi saytı. — 2021. — 21 aprel. — Müraciət tarixi: 03.09.2022.