Mirbala Səlimli

Mirbala Səlimli
Səlimli (Səlimov) Mirbala Seyidəsgər oğlu
Mirbala Səlimli.
Doğum tarixi	5 aprel 1963 (1963-04-05)
Doğum yeri	Qubalı, Şamaxı rayonu (hal-hazırda Hacıqabul rayonundadır, Azərbaycan SSR, SSRİ
Vətəndaşlığı	SSRİ→ Azərbaycan
Həyat yoldaşı	Xatirə Səlimli
Peşələri	kino və teatr rejissoru, ssenarist.
Təhsili	• Mirzağa Əliyev adına Azərbaycan Dövlət İncəsənət İnstitutu, dram və kino aktyoru fakültəsi (1981—1985)  • Boris Şukin adına Moskva Ali Teatr Məktəbi, rejissorluq fakültəsi (1990—1995)  • Moskva Ali Ssenaristlər və Rejissorlar kursu, kino rejissorluğu sinfi (1999–2001)
Teatr	Sabit Rəhman adına Şəki Dövlət Dram Teatrı
Mükafatları
facebook səhifəsi

Mirbala Səlimli — tanınmış teatr və kino rejissoru, Azərbaycan Respublikasının əməkdar incəsənət xadimi, Sabit Rəhman adına Şəki Dövlət Dram Teatrının baş rejissoru.

Haqqında məlumatlar

5 aprel 1963-cü il tarixdə Şamaxı rayonunun (hal-hazırda Hacıqabul rayonunun) Qubalı (Qubalıbaloğlan) kəndində anadan olub.

Təhsili

1970 – 1980-ci illərdə kənd orta məktəbində,

1981 — 1985-ci illərdə Mirzağa Əliyev adına Azərbaycan Dövlət İncəsənət İnstitutunun dram və kino aktyoru fakültəsində,

1990 — 1995-ci illərdə Boris Şukin adına Moskva Ali Teatr Məktəbinin rejissorluq fakültəsində,

1999 – 2001-ci illərdə isə Moskva Ali Ssenaristlər və Rejissorlar kursunda kino rejissorluğu sinfində təhsil alıb.

Əmək fəaliyyəti

1985-ci ildə təyinatla Sabit Rəhman adına Şəki Dövlət Dram Teatrına işləməyə göndərilib; o cümlədən,

1985 — 1990-cı illərdə aktyor,

1995 — 1997-ci illərdə quruluşçu rejissor,

9 iyun 1997-ci il tarixdən isə baş rejissor olub.

Yaradıcı fəaliyyəti

1976-cı ildən dram dərnəyində həvəskar aktyor kimi fəaliyyət göstərib.

1978-ci ildən rayon xalq teatrının üzvü olub.

2000-ci ildən Moskvanın “Мir iskusstva” Yaradıcılıq Birliyi ilə əməkdaşlıq edir. 15-ə qədər sənədli film çəkib. 2002-ci ildə “Azərbaycanfilm”im “Debüt” studiyasında “Оdla qol-boyun” qısametraili bədii filmini lentə alıb. “Yaddaş” sənədli filmlər studiyasında “Şəki — tarixin naxışları” (2007), Rusiyanın “Savonarola” studiyasın- da “Olviya – xoşbəxtlik misteriyası” sənədli filmini (2010) çəkib.

Təltif və mükafatları

• “Azərbaycan Respublikasının əməkdar incəsənət xadimi” fəxri adı (2012);
• Azərbaycan Teatr Xadimləri İttifaqının “Qızıl Dərviş” mükafatı (2009);
• Mədəniyyət və Turizm Nazirliyinin “Zirvə” mükafatı – quruluş verdiyi “Sevgililərin cəhənnəmdə vüsalı” (İlyas Əfəndiyev) tamaşasına görə (2015).

Ədəbiyyat

1. Rəhimli İ. Mirbala Səlimli // Şəki teatrı. — Bakı: Qanun, 2016. — Səhifələrin sayı:  383. — Səh.: 366-371. — 500 nüsx. — ISBN 978-9952-36-230-5.