Əli Əhmədov (çəkməçi)

Əli Əhmədov
Əhmədov Əli Davud oğlu
Əli Əhmədov.
Digər adı	Çəkməçi Əli dayı
Doğum tarixi	7 avqust 1934(1934-08-07)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	4 mart 2016 (81 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
İxtisası	çəkməçilik

Əli Əhmədov (1934–2016) — Azərbaycan Respublikasının əməkdar mədəniyyət işçisi, Azərbaycan Dövlət Akademik Filarmoniyasının çəkməçisi. Müxtəlif vaxtlarda 20 şair onun haqqında şeir yazmış, dövri-mətbuatda onun haqqında 52 məqalə çap edilmişdir. Bir sıra Azərbaycan klassik şairlərinin əsərlərini, o cümlədən, Nizaminin “Xəmsə”sini əzbər bilirdi.

Haqqında məlumatlar

7 avqust 1934-cü il tarixdə Nuxada (indiki Şəki) anadan olub.

1952-cü ildə Bakıya köçüb.

Təhsili

Natamam – altıillik, orta təhsil alıb.

Hərbi xidmətdə

1954 – 1957-ci illərdə həqiqi hərbi xidmətdə olub.

Əmək fəaliyyəti

1949-cu ildən sənət artelində Aydın ustanın yanında şagird olub.

1952 – 1954 və 1957 – 1959-cu illərdə Bakıdakı ayaqqabı sexlərində işləyib.

1959-cu ildən Müslim Maqomayev adına Azərbaycan Dövlət Filarmoniyasında çəkməçi işləyib.

Təltif və mükafatları

Azərbaycan Respublikasının əməkdar mədəniyyət işçisi (1991).

Vəfatı

4 mart 2016-cı il tarixdə – 81 yaşında, Bakıda vəfat edib.

Ədəbiyyat

1. Rəhimli Ş. Nizamini, Füzulini, Seyid Əzimi əzbər bilən alim kimi çəkməçi... - MÜSAHİBƏ : [arx. 20 Jul 2012 - 27 Jan 2021] // Modern.az. — 2012. — 17 aprel. — Müraciət tarixi: 29.11.2021.
2. Çəkməçi "Əli dayı" - şəkillərdə : [arx. 29.11.2021] // BBC News Azərbaycanca. — 2013. — 29 aprel. — Müraciət tarixi: 29.11.2021.