Tomris İsmayılova

Tomris İsmayılova
İsmayılova (Həsənova) Tomris Azər qızı
Tomris İsmayılova
Tomris İsmayılova.
Şəxsi məlumatlar
Doğum tarixi	25 noyabr 1990 (1990-11-25)
Doğum yeri	Bakı, Azərbaycan
Atası	Azər Həsənsoy
Vətəndaşlığı	Azərbaycan
Təhsili	• Sumqayıt Dövlət Universiteti, biologiya fakültəsi (2009)  • Bakı Dövlət Universiteti, biologiya fakültəsi (2009–2013)  • Azərbaycan Pedaqoji Universiteti, magistratura (2013–2015)
İdman növü	uşu
Medallar Qızıl Dünya çempionatı, 2010 uşu, tayçı-çuan Qızıl Dünya çempionatı, 2012 uşu, tayçı-fan

Tomris İsmayılova — Azərbaycan Qida Təhlükəsizliyi İnstitutunun böyük mütəxəssisi. Sabiq idmançıdır və Azərbaycan Respublikasının idman ustasıdır; 2010-cu ildə uşu (döyüş sənəti) idmanının tayçı-çuan növü üzrə, 2012-ci ildə isə tayçı-fan növü üzrə dünya çempionu olmuşdur.

Haqqında məlumatlar

25 noyabr 1990-cı il tarixdə Bakıda anadan olub.

Təhsili

2008-ci ildə Bakı şəhər 60 saylı tam orta məktəbini bitirib.

2009-cu ildə Sumqayıt Dövlət Universitetinin biologiya fakültəsinə daxil olub, lakin elə həmin il Bakı Dövlət Universitetinin biologiya fakültəsinə köçürülüb.

2009 – 2013-cü illərdə Bakı Dövlət Universitetinin biologiya fakültəsində,

2013 – 2015-ci illərdə isə Azərbaycan Pedaqoji Universitetinin magistraturasında bioloq ixtisası üzrə təhsil alıb.

İdman fəaliyyəti

Azərbaycan Respublikasının prezidenti İlham Əliyev Tomris Həsənovanı mükafatlandırarkən, 2012-ci il.

13 yaşından idmanla məşğul olub.

2009-cu ildə uşu üzrə Honkonq dünya festivalında tayçı-çuan növü üzrə qızıl medal,

2010-cu ildə isə tayçı-fan növü üzrə gümüş medal qazanıb.

2010-cu ildə ənənəvi uşu üzrə dünya çempionatında tayçı-çuan növü üzrə qızıl medal,

2012-ci ildə isə tayçı-fan növü üzrə qızıl medal alıb.

2015-ci ildən idman karyerasını başa vurub.

Əmək fəaliyyəti

2014 – 2016-cı illərdə Medservis Tibb Mərkəzində həkim-laborant vəzifəsində çalışıb.

2018-ci ildən Qida Təhlükəsizliyi İnstitutunda işləyir; o cümlədən, əvvəl aparıcı mütəxəssis, sonra sektor müdiri, daha sonra şöbə müdiri və nəhayət baş mütəxəssis vəzifəsini tutub.

Təltif və mükafatları

Azərbaycan Respublikası Prezidentinin mükafatı – ikiotaqlı mənzil (2012-ci il).

Ədəbiyyat

1. Məmmədov Ş. Sumqayıt Dövlət Universitetinin tələbəsi dünya çempionu oldu : [arx. 29 Mar 2017 - 29 Jul 2018] : [azərb.] // Azərbaycan müəllimi. — 2010. — 2 aprel. — Müraciət tarixi: 22.11.2021.
2. İlqarqızı A. İkiqat dünya çempionu: Bu idman növü xanımları gözəlləşdirir : [arx. 8 Apr 2019 - 4 Mar 2021]. — 2018. — 17 oktyabr. — Müraciət tarixi: 22.11.2021.