Azər Rəşidov: Redaktələr arasındakı fərq

Azər Rəşidov
	Rəşidov Azər Məmməd oğlu
	Azər Rəşidov
	Azər Rəşidov koronavirus pandemiyası ilə bağlı APA-ya video-müsahibə verərkən (10.04.2020).
Doğum tarixi	22 oktyabr 1957 (67 yaş)
Doğum yeri	SSRİ; Azərbaycan SSR, Nuxa
Vətəndaşlıq	SSRİ→ Azərbaycan
İş yeri	Məkkə şəhərindəki (Səudiyyə Ərəbistanı) Kral Əbdüləziz xəstəxanasının infeksion nəzarət şöbəsi
Elmi dərəcəsi	tibb elmləri namizədi
Təhsili	Nəriman Nərimanov Azərbaycan Dövlət Tibb İnstitutu (1975 – 1981);; İ.M.Seçenov adına Birinci Moskva Dövlət Tibb Universiteti (1988 – 1992).;

← Əvvəlki redaktə Sonrakı redaktə →

VizualVikimətn

23:05, 13 aprel 2020 versiyası

Azər Rəşidov (Rəşidov Azər Məmməd oğlu; d. 22 oktyabr 1957, Nuxa, Azərbaycan) − azərbaycanlı epidemioloq-həkim, tibb elmləri namizədi, Kral Əbdüləziz xəstəxanasında (Məkkə, Səudiyyə Ərəbistanı) infeksion xəstəliklərin profilaktikası və nəzarəti şöbəsinin müdiri (2000-ci ildən).

Haqqında məlumatlar

1957-ci ildə Nuxa şəhərində anadan olub.

1961-ci ildə ailəsi ilə birlikdə Bakıya köçüb.

1975-ci ildə Bakıda orta məktəbi bitirib.

1975 – 1981-ci illərdə Nəriman Nərimanov adına Azərbaycan Dövlət Tibb İnstitutunun tibbi-profilaktika fakültəsində təhsil alıb.

1981-ci ilin sentyabrından 1984-cu ilin noyabrınadək Kizlyar şəhər Mərkəzi Xəstəxanasında (Dağıstan MSSR, RSFSR) epidemiologiya şöbəsinin müdiri olub.

1984-cü ilin oktyabrından 1988-ci ilin sentyabrınadək Tropik Təbabət və Tibbi Parazitologiya Elmi-Tədqiqat İnstitutunda (Bakı, Azərbaycan SSR) kiçik elmi işçi vəzifəsində işləyib.

1988 – 1992-ci illərdə epidemiologiya ixtisası üzrə İ.M.Seçenov adına Birinci Moskva Dövlət Tibb Universitetinin epidemiologiya kafedrasının aspiranturasında təhsil alıb.

1992-ci ildə Moskvadakı N.F.Qamaleya adına Epidemiologiya və Mikrobiologiya Elmi-Tədqiqat İnstitutunda namizədlik dissertasiyasını müvəffəqiyyətlə müdafiə edib.

1992-ci ilin yanvarından 1996-ci ilədək Tibbi Profilaktik Təbabət Milli Tədqiqat İnstitutunda (Bakı, Azərbaycan Respublikası) Bağırsaq infeksiyaları şöbəsinin müdiri vəzifəsində işləyib. Eyni zamanda Bakıdakı Xəzər Universitetinin mikrobiologiya, epidemiologiya və infeksion xəstəliklər kafedrasında (1993 – 1995) dosent vəzifəsini tutub.

1996-cı ilin dekabrından 2000-ci ilədək Azərbaycan Qızıl Aypara Cəmiyyətində (Azərbaycan Respublikası, Bakı) Tibb Şöbəsinin müdiri vəzifəsində işləyib. Eyni zamanda Bakıdakı Müstəqil Azərbaycan Universitetinin mikrobiologiya, epidemiologiya və infeksion xəstəliklər kafedrasında (1998 – 2000) dosent vəzifəsini tutub.

Qrant əsasında 3 ay ABŞ-da (Klivlend şəhəri), Avstriyada və Macarıstanda çalışıb.

2000-ci ildən Kral Əbdüləziz xəstəxanasında (Məkkə, Səudiyyə Ərəbistanı) infeksion xəstəliklərin profilaktikası və nəzarəti şöbəsinin müdiridir.

2003-cü ilin yanvarında Səhiyyə Mütəxəssisləri üzrə Səudiyyə Şurası tərəfindən tibb-mütəxəssis-epidemioloqu kimi təsdiqlənib.

30-dan çox elmi məqaləsi, bağırsaq çöpləri infeksiyası və hepatit virusu mövzusunda həkimlər üçün 3 metodik tövsiyəsi çap olunub. Azərbaycanda və bir çox ölkələrdə elmi simpozium və konfranslarda məruzələrlə çıxış edib.

Azərbaycanca, rusca və ingiliscə sərbəst danışır.

Ailəlidir, iki övladı var.