Adnan Hacızadə

Adnan Hacızadə
Hacızadə Adnan Hikmət oğlu
Adnan Hacızadə.
Doğum tarixi	13 iyul 1983 (1983-07-13)
Doğum yeri	Bakı, Azərbaycan SSR, SSRİ
Atası	Hikmət Hacızadə
Vətəndaşlıq	SSRİ→ Azərbaycan

Adnan Hacızadə — ictimai-siyasi fəal, bloqqer, “Ol!” Azərbaycan Gənclər Hərəkatının rəhbərlərindən biri.

Haqqında məlumatlar

13 iyul 1983-cü il tarixdə Bakıda anadan olub.

Təhsili

Bakı Avropa liseyini bitirib.

2000-ci ildə Qərb Universitetinə daxil olub, bir il sonra ABŞ-ın Riçmond Universitetinə transfer olunub, orada siyasətşünaslıq üzrə bakalavr dərəcəsi alıb, 2005-ci ildə Bakıya qayıdıb, Xəzər Universitetinin hüquqşünaslıq fakültəsində təhsilini davam etdirib və bakalavr dərəcəsi alıb.

Əmək fəaliyyəti

Həqiqi hərbi xidmətdən (2007–2008) əvvəl və sonra “BP”-nin ictimaiyyətlə əlaqələr şöbəsində işləyib.

İctimai-siyasi aktivliyi

2003-cü ilin prezident seçkiləri zamanı ictimai-siyasi aktivliyə başlayıb.

Məhkumluğu

2009-cu il iyulun 8-də altı dostu ilə bir yerdə «Livan» restoranının barında baş vermiş olaya görə 2 aylıq müddətə həbs olunub.

11 noyabr 2009-cu il tarixdə isə 2 il müddətinə azadlıqdan məhrum edilib.

2010-cu il noyabrın 18-də Bakı Apelyasiya Məhkəməsində onun bundan sonrakı 7 ay 21 günlük cəzasından şərti azad edilməsi və məhkəmə zalından azadlığa buraxılması barədə qərar qəbul olunub.

Ədəbiyyat

1. Adnan's bio : [arx. 26 Oct 2009 - 24 Sep 2019] : [ing.] // Support Azerbaijan youth activists - Adnan Hajizade and Emin Milli. — Müraciət tarixi: 13.07.2021.