Bahar Cəfərova

Bahar Cəfərova
Cəfərova Bahar Cumay qızı
Bahar Cəfərova.
Doğum tarixi	3 may 1953 (1953-05-03)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
İş yeri	Fövqəladə Hallar Nazirliyi Azərbaycan Texniki Universiteti
Elmi dərəcəsi	filologiya elmləri doktoru
Elmi adı	professor
Təhsili	SSRİ-nin 50 illiyi adına Azərbaycan Dövlət Pedaqoji İnstitutu (1970–1974)
Mükafatları

Bahar Cəfərova — filologiya elmləri doktoru, Azərbaycan Texniki Universitetinin professoru, Azərbaycan Respublikasının əməkdar müəllimi, AMEA İ.Nəsimi adına Dilçilik İnstitutu Dissertasiya Şurasının üzvü və Azərbaycan Respublikası Fövqəladə Hallar Nazirliyinin əməkdaşı.

Haqqında məlumatlar

3 may 1953-cü il tarixdə Nuxada (indiki Şəki) anadan olub.

Təhsili

1960 – 1970-ci illərdə Nuxa/Şəki şəhər 11 №-li orta məktəbində,

1970 – 1974-cü illərdə SSRİ-nin 50 illiyi adına Azərbaycan Dövlət Pedaqoji İnstitutunun (M.F.Axundov adına Rus Dili və Ədəbiyyatı İnstitutu) ingilis dili fakültəsində təhsil alıb.

Əmək fəaliyyəti

1974-cü ildə Azərbaycan SSR EA Coğrafiya İnstitutunda laborant,

1974 – 1989-cu illərdə Azərbaycan SSR EA Torpaqşünaslıq və Aqrokimya İnstitutunda tərcüməçi,

1989 – 2009-cu illərdə Azərbaycan Memarlıq və İnşaat Universitetinin əcnəbi dillər kafedrasında baş laborant, müəllim, baş müəllim və dosent vəzifələrində çalışıb.

2009 – 2017-ci illərdə Fövqəladə Hallar Nazirliyinin Akademiyasında humanitar fənlər kafedrasının müdiri olub.

2017-ci ildən Fövqəladə Hallar Nazirliyində dovlət qulluqçusu vəzifəsində çalışır.

İkinci iş yerləri

Müxtəlif illərdə Heydər Əliyev adına Hərbi Ali məktəbdə, Gömrük Komitəsinin Tədris Mərkəzində, Özəl Naxçıvan Universitetində, Özəl Dağıstan Universitetində işləyib, o cümlədən, Təfəkkür və Dağıstan universitetlərində kafedra müdiri olub, 2016-ci ildən isə Azərbaycan Texniki Universitetinin professorudur.

Elmi fəaliyyəti

1994-cü ildə “Terminoloji lüğətlərin elmi əsasları və tərtibi prinsipləri” mövzusunda namizədlik dissertasiyasını müdafiə edib.

1998-ci ildə dosent elmi adını alıb.

2006-cı ildə “İngilis və Azərbaycan dillərində felin zamanlar sistemi” (müqayisəli-tipoloji tədqiqat) mövzusunda doktorluq dissertasiyasını müdafiə edib.

2012-ci ilin oktyabr ayında professor elmi adını alıb.

Respublika və beynəlxalq konfranslarda iştirak edib.

Çoxlu sayda dərs vəsaitlərinin və proqramlarının elmi redaktorudur, doktorantlara rəhbərlik edib, doktorluq və namizədlik dissertasiyalarının opponenti olub.

2 monoqrafiyanın, 2 dərsliyin, 2 metodik vəsaitin, 7 biblioqrafiyanın, 3 tədris proqramının və 80-dən çox elmi məqalənin, 1 lüğətin və 1 şeir kitabının müəllifidir.

Digər

2009 – 2010-cu illərdə Azərbaycan Dillər Universiteti nəzdində filologiya elmləri doktoru və filologiya üzrə fəlsəfə doktoru elmi dərəcəsini almaq üçün təqdim olunan dissertasiyaların müdafiəsini keçirən Dissertasiya Şurasının üzvü olub.

2013 – 2015-ci illərdə AMEA İ.Nəsimi adına Dilçilik İnstitutu Dissertasiya Şurasının üzvü olub.

2017 – 2019-cu illərdə Ali Attestasiya Komissiyasında ekspert şurasının üzvü olub.

2020-ci ildə yenidən AMEA İ.Nəsimi adına Dilçilik İnstitutunun Dissertasiya Şurasına üzv seçilib.

Mükafatları

• “Avropa nəşr mətbuat evi”nin qızıl medalı və diplomu (2013).
• “Azərbaycan Respublikasının Əməkdar müəllimi” fəxri adı (2013).

Ədəbiyyat

1. Məmmədov Ə., Xalıqov F. Cəfərova Bahar // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 100. — 1.000 nüsx.
2. CƏFƏROVA BAHAR CUMAY QIZI // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 592 s.). — Bakı: “Azərbaycan Milli Ensiklopediyası” Elmi Mərkəzi, 2014. —V  c. — Səh. 259 – 260. — ISBN 978-9952-441-10-9.