Aqil Əfəndiyev

Aqil Əfəndiyev
Əfəndiyev Aqil Nəsrullah oğlu
Aqil Əfəndiyev, 1990-cı il
Şəxsi məlumatlar
Doğum tarixi	0 dekabr 1929(1929-12-00)
Doğum yeri	Nuxa, Şəki qəzası, Azərbaycan SSR, ZSFSR, SSRİ
Təltifləri

Aqil Əfəndiyev – dövlət qulluqçusu, Azərbaycan SSR əməkdar iqtisadçısı; 1974 – 1991-ci illərdə isə Azərbaycan SSR Dövlət Plan Komitəsi sədrinin müavini vəzifəsində işləyib. 1990-cı ildə 129 nömrəli Şəki şəhər birinci seçki dairəsindən Azərbaycan SSR xalq deputatlığına namizəd göstərilmiş, lakin seçilməmişdir.

Haqqında məlumatlar

1929-cu ildə Nuxada anadan olub.

Təhsili

1946-cı ildə orta məktəbi qızıl medalla bitirib.

1946-cıildə Moskva Toxuculuq institutuna daxil olub.

1954-cü ildə SSRİ Mühəndis və Rəhbər İşçilərin Təkminləşdirilməsi İnstitutunu fərqlənmə diplomi ilə bitirib.

Əmək fəaliyyəti

1951 – 1956-cı illərdə V.İ.Lenin adına Nuxa İpək kombinatında işləyib.

1956-cı ildə Azərbaycan SSR Yüngül Sənaye Nazirliyində işə keçirilmiş, əvvəl baş mühəndis, sonra şöbə rəisi vəzifələrində çalışıb.

1961 – 1963-cü illərdə azərbaycan SSR Nazirlər Sovetində referent,

1963 – 1965-ci illərdə Azərbaycan SSR Dövlət Plan Komitəsində şöbə rəisi,

1965 – 1974-cü illərdə isə Azərbaycan SSR Nazirlər Sovetində şöbə rəisi,

1974 – 1991-ci illərdə isə Azərbaycan SSR Dövlət Plan Komitəsi sədrinin müavini vəzifəsində işləyib.

1995-ci ildən dövlət qulluqçusu kimi təqaüddədir.

Təltif və mükafatları

• “Azərbaycan SSR əməkdar iqtisadçısı” fəxri adı.
• “Şərəf Nişanı” ordeni.
• Azərbaycan SSR Ali Sovetinin Fəxri fərmanı.
• Medallar.

Digər

1963-cü ildən Sov.İKP-nın üzvü olub.

“Ayna – Zerkalo” qəzetinin müxbiri kimi də fəaliyyət göstərib.

1990-cı ildə 129 nömrəli Şəki şəhər birinci seçki dairəsindən Azərbaycan SSR xalq deputatlığına namizəd göstərilmiş, lakin seçilməmişdir.

İstifadə edilmiş əsas mənbə

• Sabir KƏRİMOV (namizədin vəkili) XALQ NAMİZƏDİ/Aqil Nəsrulah oğlu ƏFƏNDİYEV (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 20 noyabr 1990. — № 31 – 32 (1965 – 1966). — Səh. 3.
• Məmmədov Ə., Xalıqov F. Əfəndiyev Aqil // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 84 – 85. — 600 nüsx. — ISBN 5-8066-1708-4.