Hadi Rəcəbli

Hadi Rəcəbli
Rəcəbli Hadi Musa oğlu
Hadi Rəcəbli, 2013
Şəki Şəhər Partiya Komitəsinin birinci katibi 17 dekabr 1983 — 26 noyabr 1988
Azərbaycan KP MK-nın inspektoru 1981 — 1983
Lənkəran Şəhər İcraiyyə Komitəsinin sədri 1980 — 1981
“Bakinski raboçi” qəzetinin xüsusi müxbiri 1978 — 1980
Lənkəran Şəhər Komsomol Komitəsinin birinci katibi 1972 — 1978
Lənkəran Şəhər Komsomol Komitəsinin ikinci katibi 1971 — 1972
Şəxsi məlumatlar
Doğum tarixi	25 oktyabr 1947 (1947-10-25)
Doğum yeri	Viravul kəndi, Lənkəran rayonu| Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Partiya	Sov.İKP
Təhsili	Moskva Yeyinti Sənayesi İnstitutunun texnologiya fakültəsini və Bakı Ali Partiya məktəbini
Təltifləri
Səhifə: http://fb.com/h.recebli

Hadi Rəcəbli — I-V çağırış Azərbaycan Respublikası Milli Məclisinin deputatı, Əmək və Sosial Siyasət Komitəsinin sədri, Azərbaycanda ilk siyasi elmlər namizədi, siyasi elmlər doktoru, professor.

Həyatı

Rəcəbli Hadi Musa oğlu 1947-ci il oktyabrın 25-də Lənkəran rayonunun Viravul kəndində anadan olmuşdur. Moskva Yeyinti Sənayesi İnstitutunun texnologiya fakültəsini və Bakı Ali Partiya məktəbini bitirmişdir. 1963-cü ildən Lənkəran çörək zavodunda fəhlə, mühasib, texnoloq, iqtisadçı işləmişdir. 1971-ci ildən Lənkəran Şəhər Komsomol Komitəsinin ikinci katibi, 1972-ci ildən birinci katibi, 1978-ci ildən “Bakinski raboçi” qəzetinin xüsusi müxbiri, 1980-ci ildən Lənkəran Şəhər İcraiyyə Komitəsinin sədri olmuşdur. 1981-ci ildən Azərbaycan KP MK-nın inspektoru, 1983-cü ildən Şəki Şəhər Partiya Komitəsinin birinci katibi, 1989-1995-ci illərdə Azərbaycan Respublikasının Nazirlər Kabinetində referent, aparıcı mütəxəssis, bölmə müdiri, şöbə müdirinin müavini, şöbə müdiri vəzifələrində çalışmışdır.

Ehtiyatda olan mayordur. 9 kitabın və 220-dən çox elmi-publisistik məqalənin müəllifidir. Azərbaycanda ilk siyasi elmlər namizədidir.

Siyasi Fəaliyyəti

Yeni Azərbaycan Partiyası Siyasi Şurasının üzvüdür.

On birinci çağırış Azərbaycan SSR Ali Sovetinin, birinci, ikinci, üçüncü, dördüncü və beşinci çağırış Azərbaycan Respublikası Milli Məclisinin deputatı olmuşdur.

2015-ci il noyabrın 7-də 74 saylı Lənkəran kənd seçki dairəsindən deputat seçilmişdir.

Medalları və təltifləri

Siyasi elmlər doktoru, professordur.

• "Əmək igidliyinə görə" medalı (1976),
• "Əmək rəşadətinə görə" medalı (1977),
• "Şərəf" nişanı (1986),
• "Şöhrət" ordeni (2007),
• İkinci dərəcəli "Vətənə xidmətə görə" ordeni (2017) ilə təltif edilmişdir.

Ailəsi

Evlidir, 4 övladı, 10 nəvəsi var.

Mənbə

• Media forum. Hadı Rəcəbli "Şöhrət" ordeni ilə təltif olunub.
• H.M.Rəcəblinin "Şöhrət" ordeni ilə təltif edilməsi haqqında Azərbaycan Respublikası prezidentinin fərmanı.
• Yeni Milli Məclisdə Şəkini təmsil edəcək 4-cü deputat, telefonu və ürəyi açıq olan şəxs - Hadi Rəcəbli.