Binyət Abdullayeva

Binyət Abdullayeva
Abdullayeva Binyət İbrahimxəlil qızı
Binyət Abdullayeva,1974-cü il
Anadan olub	26 fevral 1931(1931-02-26)
Anadan olduğu yer	Nuxa,Azərbaycan SSR
Vəfat edib	10 fevral 1994 (62 yaşında)
Vəfat etdiyi yer	Şəki,Azərbaycan
Həyat yoldaşı	Abdullayev Soltan Məmməd
Təhsili	Nuxa Pedaqoji Texnikumu,1950 V.İ.Lenin adına APİ,1954
Mükafatları	"Əmək veteranı" medalı

Binyət Abdullayeva (Abdullayeva Binyət İbrahimxəlil qızı,d.26 fevral1931-ci il,Nuxa,Azərbaycan SSR,ö.10 fevral1994-cü İl,Şəki,Azərbaycan) -pedaqoq,keçmiş partiya və komsomol fəalı,Azərbaycan LKGİ Nuxa rayon Komitəsinin ikinci katibi (1959-1961),məktəb direktoru və pedaqoji sahədə bir sıra digər vəzifələrdə işləmişdir.

Haqqında məlumatlar

1931-ci ildə Nuxada anadan olub.

1938-1946-cı illərdə Nuxa şəhər 16 №-li ibtidai və 11 №-li orta məktəblərdə oxuyub.

1947-1950-ci illərdə Nuxa Pedaqoji Texnikumunda təhsil alıb və buranı Fərqlənmə diplomu ilə bitirib.

1951-1954 -cü illərdə V.İ.lenin adına Azərbaycan Pedaqoji İnstitutunun (indiki ADPU-nun) Azərbaycan dili,məntiq və psixologiya fakultəsində təhsil alıb.

1955-ci ildə Yevlax rayonunun Malbinəsi kəndində təyinatla müəllim kimi əmək fəaliyyətinə başlayıb.

1957-ci ildə iş yeri Nuxa rayonuna dəyişdirilmiş və Daşüz kəndində Uşaq bağçası-körpələr evinə müdir təyin edilib.

1957-1959-cu illərdə Suçma kənd yeddillik məktəbinin direktoru vəzifəsində işləyib.

1959-1961-ci illərdə Nuxa rayon Komsomol Komitəsinin ikinci katibi olub.

1961-1963-cü illərdə şəhər 11 №-li orta məktəbdə Azərbaycan dili və ədəbiyyat müəllimi,sonra isə 12 №-li orta məktəbdə təlim-tərbiyə işləri üzrə direktor müavini işləyib.

1963-1988-ci illərdə Nuxa/Şəki Pedaqoji Texnikumunda pedaqogika,psixologiya və Uşaq ədəbiyyatı fənlərindən dərs deyib,burada müxtəlif illərdə Pedaqoji kabinetin və Tələbə Elmi Cəmiyyətinin rəhbəri olub.

1988-ci ildə təqaüdə çıxıb.

1994-cü ildə Şəki şəhərində vəfat edib və burada dəfn olunub.

İctimai fəaliyyəti

Azərbaycan Pedaqoji İnstitutunda tələbə Komsomol Komitəsinin büro üzvü,Nuxa şəhər 11 №-li orta məktəbdə və Şəki Pedaqoji Texnikumunda ilk partiya təşkilatının katibi kimi ictimai iş aparıb.Böyük Dəhnə kənd və Nuxa rayon Xalq Deputatları Sovetinin deputatı seçilib.

Vaxtaşırı olaraq yerli və respublika mətbuatında kiçik publisitik məqalələrlə çıxış edib.II Dünya Müharibəsi illərində arxa cəbhədə insanların fədakar əməyindən bəhs edən "O illəri xatırlayıram" xatirələri kitabça şəklində dərc olunmuş,faşizm üzərində Qələbənin ildönümü günlərində Şəki yerli radio verilişləri redaksiyası tərəfindən 1995-ci ildə efirdə radiooçerk şəklində səsləndirilmişdir.

Haqqında dərc olunmuş yazılar

• "Ziyalı qadınlarımız haqıında-Binyət Abdullayeva"-A.Alxaslı,"Şəkinin səsi"qəzeti,03 iyun 1994-cü il

• "Şam kimi yanan ömür"- P.Qədirli,"Maarifçi" qəzeti,12 sentyabr 1996-cı il

• "Unudulmaz insan"-B.Süleymanov,"Şəki təhsili" qəzeti,27 yanvar 2011-ci il

• "Nurlu həyat yolu"- Almaz Qeysər qızı,"Mənəviyyatımızın memarları" kitabı-"Sumqayıt" nəşriyyatı-2002

• "Abdullayeva Binyət İbrahimxəlil qızı"- Rafiq şükürov,Ramiz Orsər,"İşıq məbədi"Kitabı,"İdeal-print" nəşriyyatı-2010

Mükafatları

• ÜİLKGİ MK-nın,Azərbaycan LKGİ Mk-nın,Azərbaycan SSR Maarif nazirliyinin,Azərbaycan SSR Ali və Orta İxtisas nazirliyinin,Nuxa rayon Xalq Maarif Şöbəsinin,Nuxa/Şəki Pedaqoji texnikumu rəhbərliyinin fəxri Fərman və təşəkkürnamələri
• "Əmək veteranı" medalı

Ailəsi

Həyat yoldaşı:Abdullayev Soltan Məmməd oğlu (d.1930,ö.2002) Övladları: Xatirə(vəfat edib),Elxan,Elçin,Cavanşir