Murad Abdullayev

Murad Abdullayev
Abdullayev Murad Firidun oğlu rus.: Абдуллаев Мурад Фиридун оглы
Murad Abdullayev.
Doğum tarixi	14 oktyabr 1967 (1967-10-14)
Doğum yeri	Bakı, Azərbaycan SSR, SSRİ
Həyat yoldaşı	Natalya Bojko
Uşaqları	Valentina və Aydan
Atası	Firidun
Anası	Valentina
Vətəndaşlıq	SSRİ→ Azərbaycan→ Rusiya
Təhsili	• S.M.Kirov adına Azərbaycan Dövlət Universiteti, iqtisadiyyat, istehsalın təşkili ixtisası (–1990)  • Rusiya Teatr Sənəti İnstitutu (Moskva), rejissorluq ixtisası, qiyabi (–2006)
Fəaliyyəti	sirkdə heyvan təlimçisi
Mükafatları

Murad Abdullayev — Böyük Moskva sirkinin tanınmış meymun təlimçisi və Rusiya Federasiyasının əməkdar artisti.

Haqqında məlumatlar

19 oktyabr 1967-ci il tarixdə Bakıda anadan olub.

Təhsili

1990-cı ildə S.M.Kirov adına Azərbaycan Dövlət Universitetini,

2006-cı ildə Rusiya Teatr Sənəti İnstitutunu (Moskva) bitirib.

Əmək fəaliyyəti

1985-ci ildən sirkdə işləyir; o cümlədən, əvvəl Soyuzqossirkdə manej inspektoru, sonra isə Böyük Moskva sirkində manej inspektoru olub. Sirkin direktor müavini, qastrol departamentinin rəisi vəzifələrində də çalışıb.

Ailəsi

Murad Abdullayevin atası Firidun Abdullayev (1931–1987) 1967-ci ildən Bakı Dövlət Sirkinin direktor müavini, 1969-cu ildən ömrünün sonunadək isə direktoru olmuşdu. Firidun Abdullayevin atası Muxtar Abdullayev isə 1935 – 1937-ci illərdə Nuxa şəhər Soveti İcraiyyə Komitəsinin sədri olmuş, lakin 1937-ci il repressiyaları zamanı güllələnmişdir.

Murad Abdullayev iki dəfə ailə qurub. Birinci həyat yoldaşından Valentina, ikinci həyat yoldaşından isə Aydan adlı qızı doğulub. İkinci həyat yoldaşının adı Natalya Bojkodur, o, və qızı Aydan Abdullayeva da sirkdə çalışırlar.

Təltif və mükafatları

• Rusiya Federasiyasının əməkdar artisti.

Digər

1981-ci ildə “Azərbaycanfilm” Kinostudiyasının istehsal etdiyi “Qorxma mən səninləyəm” adı iki hissəli macəra, musiqili komediya televiziya filmində rol oynayıb.

Ədəbiyyat

1. Абдулаев М. Ф. : [arx. 25 Oct 2021 - 6 Feb 2023] : [rus.] // Ruscircus.ru. — Müraciət tarixi: 27.06.2024.