Arif Səmədov

Arif Səmədov
Səmədov Arif Niyazi oğlu
Arif Səmədov.
Doğum tarixi	1946(1946-Şablondakı doğum və ya ölüm tarixində texniki yanlışlıq var!-00)
Doğum yeri	Bakı, Azərbaycan SSR, SSRİ
Vəfat tarixi	13 sentyabr 2014 (68 yaşında)
Vəfat yeri	Bakı, Azərbaycan
Elm sahəsi	biologiya
Elmi dərəcəsi	biologiya elmləri namizədi
Atası	Niyazi Səmədov

Arif Səmədov (1946–2014) — biologiya elmləri namizədi, AMEA Radiasiya Problemləri İnstitutunun əməkdaşı.

Haqqında məlumatlar

1946-cı ildə Bakıda anadan olub.

Təhsili

1969-cu ildə V.İ.Lenin adına Azərbaycan Dövlət Pedaqoji İnstitutunun kimya-biologiya fakültəsini bitirib.

1970-ci ildə Moskva şəhərində SSRİ Elmlər Akademiyasının A.N.Severtsov adına “Heyvanların Təkamül Morfologiyası və Ekologiyası” İnstitutunun əyani aspiranturasına daxil olub.

Elmi fəaliyyəti

“Onurğasız heyvanların eko-fizioloji proseslərinin bioloji ritmi” mövzusunda dissertasiya müdafiə edib. 35-dən yuxarı elmi əsərin və bir müəlliflik şəhadətnaməsinin müəllifidir.

Əmək fəaliyyəti

1969-cu ildən Şamaxı rayon 1 №-li orta məktəbində biologiya və kimya müəllimi,

1973-cü ildən Azərbaycan SSR EA Zoologiya İnstitutunda kiçik elmi işçi,

1975-ci ildən Azərbaycan SSR EA Botanika İnstitutunun molekulyar biologiya və genetika sektorunda elmi işçi,

1983-cü ildən böyük elmi işçi,

1987-ci ildən Azərbaycan SSR EA Botanika İnstitutunun radiobiologiya laboratoriyasında əvvəl böyük elmi işçi, sonra aparıcı elmi işçi vəzifəsində,

2003-cü ildən həyatının son günlərinə qədər isə AMEA Radiasiya Problemləri İnstitutunda müxtəlif elmi vəzifələrdə çalışıb.

Digər

30 ilə yaxın bir müddətdə AMEA-nın “Xəbərləri” jurnalının Biologiya elmləri seriyasının məsul katibi olub.

Vəfatı

13 sentyabr 2014-cü il tarixdə – 68 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Səmədov Arif // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 503-504. — 1.000 nüsx.
2. LAYİQLİ NƏSLİN LAYİQLİ ÖVLADI. — Müraciət tarixi: 03.01.2025.