Gülnur Mahmud

Gülnur Mahmud
Mahmud Gülnur Yaqub qızı
Gülnur Mahmud.
Doğum tarixi	28 oktyabr 1975(1975-10-28)
Doğum yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	filologiya, ingilis dili, ərəb dili
Elmi dərəcəsi	filologiya üzrə fəlsəfə doktoru
Elmi adı	dosent
Təhsili	• Bakı Dövlət Universiteti, şərqşünaslıq fakültəsi, ərəb filologiyası şöbəsi (1991–1996)  • Azərbaycan Dillər Universiteti, ingilis dili fakültəsi (1997–2002)  • Bakı Dövlət Universiteti, ərəb filologiyası kafedrası, aspirantura (2000–2003)
Atası	Yaqub Mahmudov

Gülnur Mahmud — AMEA A.A.Bakıxanov adına Tarix İnstitutunun Tərcümə və nəşriyyat işləri şöbəsinin aparıcı elmi işçisi, filologiya üzrə fəlsəfə doktoru, Bakı Dövlət Universitetinin şərqşünaslıq fakültəsinin ərəb filologiyası kafedrasının dosenti.

Haqqında məlumatlar

28 oktyabr 1975-ci il tarixdə Bakıda anadan olub.

Təhsili

1991-ci ildə Bakı şəhəri 175 saylı orta məktəbini bitirib.

1991 – 1996-ci illərdə Bakı Dövlət Universitetinin şərqşünaslıq fakültəsinin ərəb filologiyası şöbəsində,

1997 – 2002-ci illərdə Azərbaycan Dillər Universitetinin ingilis dili fakültəsində,

2000 – 2003-ci illərdə Bakı Dövlət Universitetinin ərəb filologiyası kafedrasının aspiranturasında təhsil alıb.

Elmi fəaliyyəti

2005-ci ildə “Ərəb ədəbi dilində sinonimlik” adlı dissertasiya işi müdafiə edərək, filologiya elmləri namizədi elmi dərəcəsi alıb.

50 elmi məqalə, 25 tezis, bir metodik vəsait, 5 fənn proqramının və yeddi kitabın müəllifidir.

Əmək fəaliyyəti

AMEA A.A.Bakıxanov adına Tarix İnstitutunun Tərcümə və nəşriyyat işləri şöbəsinin aparıcı elmi işçisidir.

Pedaqoji fəaliyyəti

1996 – 1998-ci illərdə Azərbaycan Universitetinin dillər kafedrasında müəllim,

1998 – 2000-ci illərdə baş müəllim,

2000 – 2008-ci illərdə Bakı Dövlət Universitetinin şərqşünaslıq fakültəsinin ərəb filologiyası kafedrasında müəllim,

2008-ci ildən dosent vəzifəsində çalışıb.

Ailəsi

Ailəlidir, üç övladı var.

Ədəbiyyat

1. Mahmud Gülnur Yaqub qızı : [arx. 31 Jan 2020 - 28 Jan 2023] // Azərbaycan Milli Elmlər Akademiyası Abbasqulu Ağa Bakıxanov adına Tarix İnstitutu. — Müraciət tarixi: 12.12.2023.