Vasim Məmmədəliyev

Vasim Məmmədəliyev
Məmmədəliyev Vasim Məmmədəli oğlu
Vasim Məmmədəliyev 2011-ci il.
Doğum tarixi	27 avqust 1942(1942-08-27)
Doğum yeri	Bakı, Azərbaycan SSR, SSRİ
Vəfat tarixi	13 oktyabr 2019 (77 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elmi dərəcəsi	filologiya elmləri doktoru
Elmi adı	professor
Təhsili	S.M.Kirov adına Azərbaycan Dövlət universiteti, şərqşünaslıq fakültəsi, ərəb filologiyası şöbəsi (1959–1964) Xarici Dillər Pedaqoji İnstitutu, aspirantura, sami dilləri ixtisası (1964 – 1967)
Üzvlüyü	AMEA, həqiqi üzv
Mükafatları
Commonsda da Vasim Məmmədəliyev ilə əlaqəli mediafayllar var

Vasim Məmmədəliyev (1942–2019) — tanınmış şərqşünas-alim, filologiya elmləri doktoru, professor, Azərbaycan Milli Elmlər Akademiyasının həqiqi üzvü, Qafqaz Müsəlmanları İdarəsi Elmi-Dini Şurasının sədri, Azərbaycan Respublikasının əməkdar elm xadimi, Bakı Dövlət Universitetinin ilahiyyat fakültəsinin dekanı və ərəb filologiyası kafedrasının müdiri.

Haqqında məlumatlar

27 avqust 1942-ci il tarixində Bakıda anadan olub.

Təhsili

1949 – 1959-cu illərdə Bakı şəhər 113 saylı orta məktəbində,

1959 – 1964-cü illərdə S.M.Kirov adına Azərbaycan Dövlət universitetinin şərqşünaslıq fakültəsinin ərəb filologiyası şöbəsində,

1964 – 1967-ci illərdə isə Xarici Dillər Pedaqoji İnstitutunun aspiranturasında sami dilləri ixtisası üzrə təhsil alıb.

Elmi fəaliyyəti

1968-ci ildə “Müasir ərəb, azərbaycan dillərində və Bağdad dialektində felin zaman formalarının müqayisəli-tipoloji təhlil” mövzusunda namizədlik dissertasiyasını,

1974-cü ildə isə “Müasir ərəb ədəbi dilinin felin zaman, şəxs və şəkil kateqoriyaları” mövzusunda doktorluq dissertasiyasını müdafiə edib.

1978-ci il professor elmi adını alıb.

1997-ci ildən Qafqaz Müsəlmanları İdarəsi Elmi-Dini Şuranın sədri olub.

2001-ci ildə AMEA-nın müxbir üzvü,

2007-ci ildən müxbir üzvü seçilib.

40 fəlsəfə doktorunun, 5 elmlər doktorunun elmi rəhbəri olub.

160-dək elmi əsərin, o cümlədən 21 monoqrafiyanın müəllifidir. Xaricdə 50-dən çox elmi əsəri dərc olunub.

Əmək fəaliyyəti

1981 – 1991-ci illərdə S.M.Kirov adına Azərbaycan Dövlət universitetinin şərqşünaslıq fakültəsinin dekanı,

1991 – 1992-ci illərdə Məmmədəmin Rəsulzadə adına Bakı Dövlət universitetinin prorektoru,

1992 – 2019-cu illərdə Bakı Dövlət Universitetinin ilahiyyat fakültəsinin dekanı və ərəb filologiyası kafedrasının müdiri olub.

Ailəsi

İki qızı, bir oğlu var.

Vəfatı

13 oktyabr 2019-cu il tarixdə – 77 yaşında, Bakıda vəfat edib. Bakıda İkinci Fəxri xiyabanda dəfn olunub.

Təltif və mükafatları

• “Azərbaycan Respublikasının əməkdar elm xadimi” fəxri adı (28 oktyabr 1992);
• “Dağıstan Respublikasının əməkdar elm xadimi” fəxri adı (2003);
• “Şöhrət” ordeni (26 avqust 2002);
• “Şərəf” ordeni (30 oktyabr 2009);
• Azərbaycan Respublikası Prezidentinin fərdi təqaüdü (30 avqust 2012);
• “Qızıl çinar” beynəlxalq mükafatı (10 may 2017).

Ədəbiyyat

1. Məmmədov Ə., Xalıqov F. Məmmədəliyev Vasim // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 282-283. — 600 nüsx. — ISBN 5-8066-1708-4.
2. "Vəfat etmiş həqiqi üzvlər:Məmmədəliyev Vasim Məmmədəli oğlu". http://science.gov.az/ (azərb.). Azərbaycan Milli Elmlər Akademiyası. 3 Apr 2020 – 21 Jan 2021 tarixində arxivləşdirilib.
3. "Unudulmaz şərqşünas alim və müəllim". http://bsu.edu.az/ (azərb.). Bakı Dövlət Universiteti. 20 Oct 2020 tarixində arxivləşdirilib.