Qönçə Qazıyeva

Qönçə Qazıyeva
	Qazıyeva (Alıcanbəyova) Qönçə İsmayıl qızı
	Qönçə Qazıyeva.
Doğum tarixi	16 dekabr 1916
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	16 noyabr 1992 (75 yaşında)
Vəfat yeri	Bakı, Azərbaycan SSR, SSRİ
Təhsili	Azərbaycan Dövlət Tibb İnstitutu, (1932–1937)
Həyat yoldaşı	Abdulla Məmməd oğlu Qazıyev
Evladları	Rauf və Fərid Qazıyevlər
Atası	İsmayıl bəy Alıcanbəyov
Anası	Balaca xanım
Mükafatları	;

Qönçə Qazıyeva (1916–1992) — tanınmış həkim, tibb elmləri namizədi, Azərbaycan SSR əməkdar həkimi, Bakı şəhər 3 №-li xəstəxanasının iynəterapiya kabinetinin rəhbəri. Uzun müddət Bakı şəhər 26 Bakı Komissarları adına 1-ci dəmiryol xəstəxanasının baş həkimi vəzifəsində çalışmışdır. İynəbatırma üsulunun Azərbaycanda işlənməsinin ilk təşəbbüskarlarından biri idi.

Haqqında məlumatlar[Vizual/Mobil redaktə | HTML redaktə]

16 dekabr 1916-cı il tarixdə Nuxada (indiki Şəki) anadan olub^{[qeyd 1]}.

1917-ci ildə anası,

1922-ci ildə isə atası vəfat edib.

1930-cu ildə qardaşları siyasi ittihamlarla həbs edilərək güllələniblər.

Təhsili[Vizual/Mobil redaktə | HTML redaktə]

1932 – 1937-ci illərdə Azərbaycan Dövlət Tibb İnstitutunun müalicə profilaktika fakültəsində təhsil alıb.

Əmək və hərbçi fəaliyyəti[Vizual/Mobil redaktə | HTML redaktə]

1941 – 1945-ci illərdə hospitalda hərbi cərrah,

1945 – 1950-ci illərdə 26 Bakı Komissarları adına 1-ci dəmiryol xəstəxanasında müxtəlif məsul vəzifələrdə (müalicə işləri üzrə rəis müavini, baş həkimin müavini),

1950 – 1977-ci illərdə baş həkim,

1977-ci ildən isə Bakı şəhər 3 №-li xəstəxanasının iynəterapiya kabinetinin rəhbəri vəzifəsində çalışıb.

Elmi fəaliyyəti[Vizual/Mobil redaktə | HTML redaktə]

1974-cü ildə iynəbatırmaqla refleks əmələgətirmə üsulu barədə namizədlik dissertasiyasını müdafiə edib. Bu müalicə üsulunun Azərbaycanda işlənməsinin ilk təşəbbüskarlarından biri olub.

Kitabları[Vizual/Mobil redaktə | HTML redaktə]

Qazıyeva, Qönçə İsmayıl qızı. İynəbatırma ilə müalicə.- Bakı: Azərnəşr, 1985.- 75 s.

İctimai-siyasi aktivliyi[Vizual/Mobil redaktə | HTML redaktə]

Dəfələrlə Bakı Şəhər Zəhmətkeş Deputatları Sovetinin deputatı seçilib.

Təltif və mükafatları[Vizual/Mobil redaktə | HTML redaktə]

“Döyüş xidmətlərinə görə” medalı (1943)^[1];
“Qafqazın müdafiəsinə görə” medalı^[2] (1944)^[3];
“1941-1945-ci illər Böyük Vətən müharibəsində rəşadətli əməyə görə” medalı (1946)^[3];
“1941-1945-ci illər Böyük Vətən müharibəsində Almaniya üzərində qələbəyə görə” medalı ^[2](1945)^[3];
Azərbaycan SSR Ali Sovetinin Fəxri fərmanı (1960)^[3];
“Azərbaycan SSR əməkdar həkimi” fəxri adı (1961);
“Fəxri dəmiryolçu” döş nişanı^[2].
“1941-1945-ci illər Böyük Vətən müharibəsində qələbənin 20 illiyi” yubiley medalı (1965)^[3];
“Şərəf Nişanı” ordeni (1971)^[3];
Vladimir İliç Leninin anadan olmasının 100 illiyi ilə əlaqədar yubiley medalı (1970)^[3];
“1941-1945-ci illər Böyük Vətən müharibəsində qələbənin 30 illiyi” yubiley medalı (1975)^[3];
“Əmək veteranı” medalı (1975)^[3];
“SSRİ Silahlı Qüvvələrinin 60 illiyi” yubiley medalı (1978);
2-ci dərəcəli “Vətən müharibəsi” ordeni (1985)^[1].

Vəfatı[Vizual/Mobil redaktə | HTML redaktə]

16 noyabr 1992-ci il tarixdə – 75 yaşında, Bakıda vəfat edib.

Ailəsi[Vizual/Mobil redaktə | HTML redaktə]

Atası: İsmayıl bəy Alıcanbəyov, Nuxa türməsinin rəisi idi, 1922-ci ildə vəfat edib.

Anası: Balaca xanım, evdar qadın olub, Şəki xanlarının nəslindən idi və 1917-ci ildə vəfat edib.

Ailədə 4 bacı və 2 qardaş olublar;

Qardaşları: Bəhram və Mustafa Alıcanbəyovlar, 1930-cu ildə hər ikisi siyasi ittihamlarla həbs edilərək güllələniblər.

Bacıları: Lütfiyə,...

Həyat yoldaşı: Abdulla Məmməd oğlu Qazıyev, 1942-ci ildə Böyük Vətən müharibəsində zabit kimi (baş politruk) iştirak etmiş və itkin düşmüşdür (sonralar on ildən artıq müddət ərzində Azərbaycan SSR Ali Sovetinin Rəyasət Heyətinin katibi olmuş Rəfiqə Qazıyevanın əmisi oğlu idi).

Uşaqları: Rauf (1936-cı il təvəllüdlü) və Fərid (1939-cu il təvəllüdlü) Qazıyevlər.