Məmmədsaleh İsmayılov

Məmmədsaleh İsmayılov
İsmayılov Məmmədsaleh Cəlil oğlu
Məmmədsaleh İsmayılov.
Şəxsi məlumatlar
Doğum tarixi	22 aprel 1912(1912-04-22)
Doğum yeri	Nuxa (indiki Şəki), Yelizavetpol quberniyası, Rusiya İmperiyası
Vəfat tarixi	10 may 1994 (82 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Təhsili	Azərbaycan Dövlət Konservatoriyası, tarix-nəzəriyyə şöbəsi (–1940)
Mükafatları

Məmmədsaleh İsmayılov (1912–1994) — tanınmış musiqişünas alim və pedaqoq, sənətşünaslıq elmləri namizədi, professor, Azərbaycan SSR əməkdar incəsənət xadimi. Uzun müddət Üzeyir Hacıbəyov adına Azərbaycan Dövlət Konservatoriyasında kafedra müdiri vəzifəsində çalışmışdır.

Haqqında məlumatlar

22 aprel 1912-ci il tarixdə Nuxada (indiki Şəki) anadan olub.

Təhsili

Nuxa nümunə-zəhmət məktəbində,

1929 – 1935-ci illərdə Azərbaycan Dövlət Konservatoriyası nəzdindəki fəhlə fakültəsində təhsil alıb.

1940-cı ildə Azərbaycan Dövlət Konservatoriyasının tarix-nəzəriyyə şöbəsini bitirib.

Əmək fəaliyyəti

1946-cı ildən Azərbaycan SSR Elmlər Akademiyası İncəsənət İnstitutunda işləyib.

1960 – 1971-ci illərdə Üzeyir Hacıbəyov adına Azərbaycan Dövlət Konservatoriyasında kafedra Azərbaycan xalq musiqisi kafedrasının,

1980 – 1990-cı illərdə isə Azərbaycan xalq musiqisi tarixi və nəzəriyyəsi kafedrasının müdiri olub.

Elmi fəaliyyəti

1982-ci ildə professor elmi adını alıb.

Digər

Böyük Vətən müharibəsi (1941-1945) iştirakçısıdır; lakin müharibədə olarkən, Üzeyir Hacıbəyovun təşəbbüsü ilə (o, Mərkəzi Ordu Qərargahının komandiri, Sovet İttifaqı marşalı İ.S.Konevə məktub göndərmişdi) ordudan tərxis olunub və geri qaytarılmışdır.

Təltif və mükafatları

• “Azərbaycan SSR əməkdar incəsənət xadimi” fəxri adı — musiqiçi kadrlar hazırlanmasında, Azərbaycan musiqi sənətinin inkişafında böyük xidmətlərinə görə və Üzeyir Hacıbəyov adına Azərbaycan Dövlət Konservatoriyasının yaradılmasının 50 illiyi ilə əlaqədar olaraq (19 aprel 1972) ;
• II dərəcəli “Vətən Müharibəsi” ordeni (1982).

Vəfatı

10 may 1994-cü il tarixdə – 82 yaşında, Bakıda vəfat edib.

Ədəbiyyat

1. Məmmədsaleh Ismayılov (1975). "Qayğıkeş müəllim". http://uzeyir.musigi-dunya.az/ (azərb.). Musigi Dunyasi. 21 Jan 2013 – 20 Jun 2018 tarixində arxivləşdirilib.
2. Mete Ə. İlk musiqişünas // O torpağın övladları. — Bakı: Nurlan, 2006. — Səhifələrin sayı:  608. — Səh.: 506-507. — 500 nüsx.
3. Məmmədov Ə., Xalıqov F. İsmayılov Məmmədsaleh // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 205. — 600 nüsx. — ISBN 5-8066-1708-4.