Abdulqəni Qədirov

Abdulqəni Qədirov
Qədirov Abdulqəni Hüseyn oğlu
Abdulqəni Qədirov.
Təxəllüsü	Abdulqəni Zəyzidli; Abdul-Qəni Qədirov; Abdul Qəni
Doğum tarixi	18 fevral 1940(1940-02-18)
Doğum yeri	Orta Zəyzid, Nuxa (indiki Şəki) rayonu, Azərbaycan SSR, SSRİ
Vəfatı	13 mart 2001 (61 yaşında)
Dəfn yeri	Orta Zəyzid kənd qəbiristanlığı, Şəki rayonu, Azərbaycan
Uşağı	Elçin Qədirov
Təhsili	• Bakı Energetika Texnikumu,  • S.M.Kirov adına Azərbaycan Dövlət Universiteti, jurnalistika fakültəsi

Abdulqəni Qədirov (1940–2001) — tanınmış jurnalist-publisist və şair. Uzun müddət “Azərbaycan gəncləri” qəzetinin məsul katibi, bir müddət isə “Naxçıvan” qəzetinin baş redaktoru vəzifəsində çalışmışdır.

Haqqında məlumatlar

18 fevral 1940-cı il tarixdə Nuxa (indiki Şəki) rayonunun Orta Zəyzid kəndində anadan olub.

Təhsili

Orta Zəyzit orta məktəbini, Bakı Energetika Texnikumunu və S.M.Kirov adına Azərbaycan Dövlət Universitetinin jurnalistika fakültəsini bitirib.

Əmək fəaliyyəti

Uzun illər “Azərbaycan gəncləri” qəzetinin redaksiyasında işləyib və qəzetin məsul katibi olub. Daha sonra “Naxçıvan” qəzetinin baş redaktoru vəzifəsində çalışıb. Ömrünün son illərində isə “Savalan” jurnalı ilə əməkdaşlıq edirdi.

Yaradıcı fəaliyyəti

Gənc yaşlarından başlayaraq “Abdulqəni Zəyzidli” təxəllüsü ilə, sonralar “Abdul Qəni” imzası ilə şeirlər yazıb.

Kitabları

• Berlinə gedən yolda (oçerklər). - Bakı : Gənclik, 1971 . - 79 s.
• Şirvanlı qız. - Bakı: Gənclik, 1973. - 34 s.
• Sahil görüşləri. - Bakı: Gənclik, 1977. - 67 s.
• Göz yaşını qurudaq (şeirlər toplusu, ölümündən sonra oğlu oğlu Elçin Qədirov çap etdirib). - Bakı: “Karat-R” mətəbəsi, 2003. - 94 s.

Vəfatı

13 mart 2001-cü il tarixdə – 61 yaşında, vəfat edib. Orta Zəyzid kənd qəbiristanlığında dəfn olunub.

Xatirəsi

2004-cü ildə Şəki şəhərindəki bir küçəyə adı verilib və həmin küçənin başlağıcında divara xatirə lövhəsi vurulub.

Abdulqəni Qədirov küçəsində xatirə lövhəsi və küçənin adını göstərən göstərici.

Ramiz Orsərin 2018-ci ildə çap olunmuş şəkili şair və yazıçıların bioqrafik məlumatlarından və yaradıcılıqlarından nümunələrdən ibarət “Şəkidən gələn səslər” toplusunun I cildində qısa tərcümeyi-halı və 6 şeiri dərc edilib.

Ədəbiyyat

1. Orsər R. Abdul Qəni // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 437-440. — 500 nüsx. — ISBN 978-9952-8176-5-2.