Ağa Tahirov

Ağa Tahirov
Tahirov Ağa Mövsüm oğlu
Ağa Tahirov.
Doğum tarixi	1923(1923-Şablondakı doğum və ya ölüm tarixində texniki yanlışlıq var!-00)
Vəfat tarixi	1998(1998-Şablondakı doğum və ya ölüm tarixində texniki yanlışlıq var!-00) (74 yaşında)
Vəfat yeri	Bakı, Azərbaycan
Dəfn yeri	Bakı, Azərbaycan
Vətəndaşlığı	SSRİ → Azərbaycan
Təhsili	Azərbaycan Dövlət Rəssamlıq Məktəbi (1940–)
Mükafatları
Atası	Tahirov Mövsüm Mahmud oğlu
Anası	Tahirova (Şahmailova) Səyyad

Ağa Tahirov (1923–1998) — tanınmış rəssam, SSRİ Rəssamlar İttifaqının üzvü və Azərbaycan SSR əməkdar rəssamı. Məşhur tarzən Əhmədbəy Tahirovun qardaşı oğlu idi.

Haqqında məlumatlar

1923-cü ildə anadan olub.

Təhsili

1930 – 1940-cı illərdə Nuxa şəhər 7 №-li orta məktəbində təhsil alıb.

1940-cı ildə Azərbaycan Dövlət Rəssamlıq Məktəbinə daxil olub.

Əmək fəaliyyəti

1941-ci ildə hələ Ə.Əzimzadə adına Bakı Rəssamlıq Məktəbində təhsil alarkən, eyni vaxtda hərbi zavodda da işləyib. Rəssamlıq Məktəbini bitirdikdən sonra isə ilk illər Sabir adına Nuxa Dövlət Dram Teatrının, sonralar isə V.İ.Lenin adına Nuxa İpək Kombinatının rəssamı olub və sonuncu vəzifəsində təqaüdə çıxanadək çalışıb.

Təltif və mükafatları

İşləri dəfələrlə ümumittifaq və beynəlxalq tətbiqi incəsənət və rəssamlıq sərgilərində mükafatlara layiq görülüb.

1975-ci ildə ipək parça üçün hazırladığı “Buta” kompozisiyası Almaniya Demokratik Respublikasının Leypsiq şəhərində keçirilən beynəlxalq ticarət sərgisinin qızıl medalına layiq görülüb.

• “Azərbaycan SSR əməkdar rəssamı” fəxri adı (1978).

Digər

1974-cü ildən SSRİ Rəssamlar İttifaqının üzvü olub.

Vəfatı

1998-ci ildə – 74 yaşında, Bakıda vəfat edib. Bakıda da dəfn olunub.

Ədəbiyyat

1. Məmmədov Ə., Xalıqov F. Tahirov Ağa // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 384. — 600 nüsx. — ISBN 5-8066-1708-4.